Presidenti i Azerbajxhanit, Ilham Aliyev ka thirrur një takim sigurie të enjten në lidhje me sulmin e dyshuar me dron në rajonin e Nakhçivanit.
Ai aty mbajti një fjalim ku deklaroi se “çdo forcë armike do të ndiejë fuqinë e plotë të ‘Grushtit tonë të Hekurt'”.
Forcat e armatosura iraniane kanë mohuar lëshimin e dronëve në territorin e Azerbajxhanit.
Megjithatë, Aliyev tha se Azerbajxhani “dënon me forcë këtë akt të neveritshëm terrorist” dhe se qeveria e tij ka thirrur ambasadorin e Iranit në ministrinë e jashtme në Baku, ka raportuar Guardian.
“Përgjegjësit duhet të nxirren para drejtësisë pa vonesë”, tha ai. “Pala iraniane duhet t’i japë Azerbajxhanit një shpjegim zyrtar, të kërkojë falje dhe të sigurojë që autorët të mbahen penalisht përgjegjës.”
Aliyev tha se forcat e armatosura të Azerbajxhanit “janë vendosur në nivelin më të lartë të gatishmërisë luftarake dhe janë të përgatitura të kryejnë çdo operacion të kërkuar”.
“Ne nuk do ta tolerojmë këtë akt të paprovokuar terrori dhe agresioni kundër Azerbajxhanit”, tha Aliyev.
