Ministria e Shëndetësisë e Libanit thotë se sulmet izraelite në vend që nga e hëna kanë vrarë gjithsej 77 persona dhe kanë plagosur 527 të tjerë.
Al Jazeera raportoi poashtu se, të paktën tetë persona janë vrarë në sulme të tilla sot, përfshirë katër anëtarë të së njëjtës familje në fshatin jugor Kfar Tebnit.
Ushtria izraelite thotë se më shumë se 300,000 libanezë janë zhvendosur për shkak të ofensivës së saj të vazhdueshme në Liban.
Ushtria izraelite ka kërkuar që libanezët në jug të lumit Litani të largohen nga zona.
Një zëdhënës i ushtrisë izraelite tha se sulmet e Izraelit kishin synuar më shumë se 320 vende në Liban, duke shkatërruar objektiva, përfshirë edhe lëshuesit e raketave.
