Irani pretendoi se kishte goditur një anije cisternë amerikane nafte në veri të Gjirit Persik dhe se anija ishte në flakë, raporton Guardian.
Departamenti i marrëdhënieve me publikun i Gardës Revolucionare të Iranit tha në një deklaratë të transmetuar nga agjencia shtetërore e lajmeve IRNA se forcat detare iraniane “shënjestruan me sukses një anije cisternë amerikane nafte”, pa dhënë detaje të mëtejshme.
Nuk pati konfirmim të menjëhershëm të incidentit apo koment nga SHBA-ja.
Korpusi i Gardës Revolucionare Islamike (IRGC) e Iranit tha se mban kontroll të plotë të Ngushticës së Hormuzit dhe e ka mbyllur atë në mënyrë efektive për eksportet e naftës dhe gazit.
