Misioni i NATO-s në Kosovë, KFOR ka thënë se aktualisht nuk ka ndryshime të rëndësishme në shqyrtim në mision.
KFOR-i ka thënë kështu në lidhje me thirrjet që janë bërë në rrjetet sociale nga qytetar të Serbisë drejtuar Iranit që të sulmojnë edhe bazën amerikane në Kosovë, pas atyre në Lindjen e Mesme.
Misioni paqeruajtës ka thënë se forca e saj rishikohet dhe përshtatet periodikisht, në përputhje me zhvillimet në terren, në mënyrë që misioni të mbetet i përshtatshëm për përmbushjen e mandatit.
“Forca dhe qëndrimi i KFOR-it rishikohen dhe përshtaten periodikisht, derisa rrethanat evoluojnë, në mënyrë që misioni të mbetet i përshtatshëm për qëllimin e tij. Aktualisht, nuk ka ndryshime të rëndësishme në shqyrtim”, thuhet në përgjigjen e KFOR-it, për Tëvë1.
Në përgjigje KFOR-i ka thënë se Shtetet e Bashkuara të Amerikës vazhdojnë të luajnë rol kyç në kuadër të misionit të udhëhequr nga NATO, me rreth 600 trupa të dislokuara në Kosovë. Më së shumti trupa ka Italia, me mbi 900 sosh. Gjithsej janë më shumë se 4600 trupa të KFOR-it në Kosovë.
Nga Lindja e Mesme deri në Kosovë: Si u bë Bondsteel temë pas ngjarjeve në Iran?
