Forcat Mbrojtëse të Izraelit (IDF) kanë konfirmuar se kanë nisur sulme ajrore në kryeqytetin iranian, Teheran, si dhe në kryeqytetin libanez, Bejrut.
“IDF aktualisht po kryen sulme të njëkohshme të synuara kundër objektivave ushtarake në Teheran dhe Bejrut”, tha ajo në një deklaratë, shkruan BBC, transmeton KosovaPress.
Zëdhënësi i IDF-së në gjuhën arabe, Avichay Adraee, tha se “një valë sulmesh ajrore të gjera” ishte duke u zhvilluar.
Sulmet vijnë rreth një orë pasi IDF lëshoi një “paralajmërim urgjent” për njerëzit në periferitë jugore të Bejrutit dhe në dhjetëra fshatra, duke u bërë thirrje atyre të evakuohen. IDF kishte thënë se po synonte qendrat e komandës dhe objektet e magazinimit që i përkisnin Hezbollahut.
