Kampionia e Kosovës në futboll, Drita, i ka dhënë fund rrugëtimit evropian.
Drita, u eliminua në fazën “play-off” të Ligës së Konferencës nga Celje, ekip që u kualifikua në 1/8 e finales.
Të enjten në Slloveni, Drita u mposht me shifrat 3:2 në ndeshjen e kthimit, rezultat ky identik me të cilin pësoi edhe në duelin e parë në Prishtinë.
Kështu që, Drit u eliminua me rezultatin e përgjithshëm 6:4 duke mbyllur një rrugëtim të suksesshëm evropian.
Dy golat për Dritën në ndeshjen e kthimit i shënuan Blerim Krasniqi dhe Albert Dabiqaj.
Drita pati edhe raste tjera të mira por nuk ia doli mbanë, sidomos me sulmuesin Krasniqi në kohën shtesë që gjuajti me kokë pranë portës.
Krasniqi realizoi në minutën e 26-të, ndërsa Dabiqaj në minutën e 51-të por që nuk mjaftuan për të avancuar tutje.
Drita, u bë ekipi i parë nga Kosova që arriti deri në këtë fazë të garave evropiane.
