Asnjë veturë më e vjetër se 10 vjet nuk mund të importohet në Kosovë që nga janari i vitit 2018.
Por ky ligj së shpejti pritet të ndryshoj.
Kjo pasi Qeveria e Kosovës e ka vendosur në programin legjislativ projektligjin e ri për automjet i cili pritet të miratohet deri të fund të këtij muaji.
Largimin e këtij kufizimi e ka konfirmuar edhe deputeti i Vetëvendosjes, Alban Bajrami.
“Ka qenë premtim zgjedhor që e kemi bërë për kohën e importit dhe për çështje të tjera, teknikalitete të tjera të ligjit për automjet Është kufizimi 10 vjet i import që mendoj që nuk ka asnjë bazë juridike”, u shpreh deputeti i VV-së, Alban Bajrami.
E inxhinieri i mekanikes, Shpetim Lajçi kërkon që kriteri i vjetërsisë të largohet dhe të vendosen kritere të tjera.
“Në atë kohë kanë qenë dy kritere jo më i vjetër se 10 vite dhe ato automjete që nuk i plotësojnë EURO4, nuk mund të regjistrohen. Këto kritere janë të tejkaluara, në qoftë se e shikoni EURO4, i vjen automjete që janë të prodhuar në vitin 2005 prandaj është kriter prapë i ulët. Unë mendoj që vjetërsia të largohet por le të rritet niveli i emitimit të gazrave, ku minimumi le të jetë ERUO5”, tha inxhinieri i mekanikes, Shpetim Lajçi.
Lajçi kërkon që Qeveria të subvencionojë qytetarët për blerjen e automjeteve elektrike.
“Duhet më largu edhe doganën, edhe TVSH-in pasi nuk bëhet ndonjë problem shumë i madh për shkak se e dimë që kemi një numër shumë të vogël të automjeteve elektrike për shkak të taksave që janë të kushtueshme por edhe vet kostos, në shumë vend i japin edhe subvencione me qëllim që të motivojnë njërzit te blejnë automjetet e reja”, deklaroj tutje Lajçi.
Largimi i kriterit të vjetërsisë së automjetit, sipas ekspertit të komunikacionit, Nol Dedaj nuk luan ndonjë rol të sigurisë në trafik.
Por edhe Dedaj kërkon që Qeveria të krijojë politika sa i përket doganimit .
“Nëse në fillojmë më doganimin e automjete që e shfrytëzojnë rrymën elektrike për lëvizje atëherë duhet të bëjmë pa pagesë ,pastaj vijnë automjetet që vijnë nga fabrika pa pagesë, e nëse dëshirojmë më fresku me automjete të reja dhe me pas një siguri shumë më të madhe qytetarët duhet më iu mundësu që më të njëjtën pagesë të me marrë 6 vjecarin dhe 12 vjeçin, 6 vjeçarit me ia largu tatimin doganor 12 vjecarit me ia shtu”, ka thënë eksperti i komunikacionit, Nol Dedaj .
Sipas ekspertëve mesatarja e vjetërsisë së automjeteve në vend sillet rreth 17- 18 vite.
Tëvë 1 ka dërguar pyetje edhe në Ministrin e Infrastrukturës rreth këtij projektligji por gjatë ditës nuk ka marrë përgjigje.
