Diplomatja shqiptare, Elisa Spiropali gjatë konferencës pas vizitës së saj në Kosovë, ka deklaruar se me homologun e saj Glauk Konjufcën kanë diskutuar për një takim të përbashkët mes dy qeverive.
Ajo ka theksuar se një takim i përbashkët mes Qeverisë së Kosovës dhe Shqipërisë do të ndodhë shumë shpejt brenda 2026-ës, duke shtuar se prioriteti mes dy qeverive është duke u implementuar.
Spiropali u shpreh se në këtë mbledhje do të diskutohen marrëveshjet e nënshkruara deri më tani mes dy qeverive si dhe fushat në interes të përbashkët dhe mundësitë e hapësirave për nënshkrimin e marrëveshjeve të reja.
“Sigurisht diskutuam edhe për takimin e përbashkët mes dy qeverive, besoj fort që ka ardhur koha që brenda 2026 të kemi një takim të përbashkët të dy qeverive në Shqipëri ose në Kosovë, ku të diskutohen të gjitha marrëveshjet e nënshkruara deri tani, fushat në interes të përbashkët dhe të gjitha prioritetet tona mes dy qeverive janë duke u impelementuar, por edhe mundësinë e hapësirave për nënshkrimin e marrëveshjeve të reja”, ka deklaruar Spiropali./teve1.info/
