Në Serie A po marshon drejt titullit të kampionit, por në Ligën e Kampionëve skuadrën e Interit e pret mision i vështirë për të kaluar në 1/8 e finales.
Sot, prej orës 21:00, Interi e pret skuadrën norvegjeze Bodo/Glimt, në ndeshjen e kthimit të plejofit në Champions.
Të mërkurën e kaluar në Norvegji, gjiganti italian humbi me rezultatin 3:1 dhe Interit i duhet fitorja me tri gola dallim për të avancuar në 1/8 e finales.
Nëse Interi fiton me dy gola dallim, atëherë ndeshja shkon në vazhdime por nuk duhet harruar se Bodo/Glimti po e kalon momentin më të mirë si klub.
Para Interit, ekipi norvegjez ka mposhtur Manchester Cityn e Atletico Madridin, por në fazën e ligës prej të cilës ka siguruar fazën e play-offit.
Krahas duelit Inter – Bodo/Glimt, sot luhen edhe tri ndeshje tjera të play-offit në kuadër të Ligës së Kampionëve.
Prej orës 21:00, përballen Newcastle United – Qarabag dhe Bayer Leverkusen – Olympiacos, me ekipin anglez që duelin e parë e fitoi 6:1 kurse skuadra gjermane ka triumfuar 2:0.
Në orën 18:45, zhvillohet dueli ndërmjet Atletico Madridit dhe Brugget, me duelin e parë të luajtur në Belgjikë dhe që përfundoi 3:3.
