Një grua ka humbur jetën mbrëmë në Istog si pasojë e plagëve të marra nga arma e zjarrit.
Sipas raportit policor, viktima dyshohet se është vetëplagosur me armën e burrit të saj.
Trupi i pajetë është dërguar për obduksion, ndërsa hetimet për zbardhjen e rastit janë në vijim.
“Fsh. Istog i poshtëm, Istog 20.02.2026-15:50. Emergjenca në Istog ka raportuar se është pranuar e plagosur me armë zjarrit në abdomen viktima femër kosovare. Dyshohet se viktima ishte vet-plagosur me armë zjarrit që i përket bashkëshortit. Në vend ngjarje kanë dalë njësitet përkatëse. Viktima është transferuar në Spitalin e Pejës dhe rreth orës 18:57 ka ndërruar jetë në sallën e operimit. Me vendim të prokurorit trupi i pa jetë është dërguar për obduksion në IML. Rasti duke u hetuar”, thuhet në raportin 24-orësh.
