Kuvendi i Kosovës ka miratuar sot projektligjin e radhës që është ratifikimi i marrëveshjes ndërmjet Kosovës dhe BE-së mbi angazhimet për zbatimin e përkrahjes së Unionit për Kosovën në kuadër të instrumentit për reforma dhe rritje.
Marrëveshja u vota me 102 vota për, asnjë kundër dhe 5 abstenime.
Ministri i Financave, Hekuran Murati, në seancën e jashtëzakonshme të Kuvendit tha se kjo ujdi ndërkombëtare është e leverdishme për Kosovën.
“Ka qenë një paketë e reformave dhe ligjeve që ishte dashur të miratohen në mënyrë që Kosovës t’i jepet kjo marrëveshje financimi në vlerë 90.3 milionë euro. Shteti i Kosovës i ka përmbushur të gjitha këto detyrime me Bankën Botërore… Kjo marrëveshje ka kushtet më të mira ndonjëherë sa i përket financimit, pasi bëhet fjalë për financim me afat maturiteti 12-vjeçar dhe normë interesi zero për qind”, tha ai./teve1.info/
