Brenda një jave, Prishtina i ka huazuar dy futbollistë te skuadra e Gjilanit deri në fund të sezonit aktual.
Pas portierit Agron Kolaj, te Gjilani është huazuar edhe mesfushori me përvojë, Hamdi Namani ka bërë të ditur Prishtina, të mërkurën.
Marrëveshjen për huazimin e Namanit, skuadrat e Superligës e kanë arritur në ditën e fundit të afatit kalimtar të dimrit.
Namani para fillimit të këtij sezoni iu bashkua Prishtinës, ekip me të cilin ka regjistruar 21 paraqitje në të gjitha garat dhe ka shënuar 3 gola e ka bërë 1 asistim.
31-vjeçari Namani te Gjilani po shihet si përforcim i rëndësishëm deri në fund të sezonit, ndërsa në elitën e futbollit të Kosovës, ai ka luajtur edhe për Llapin e Dritën, ku me këtë të fundit ka fituar titullin e kampionit.
Pas 19-të xhirove të luajtura deri më tani në Superligë, skuadra e Gjilanit zë vendin e gjashtë në tabelë me 26 pikë.
