Një ditë pas largimit të Khalil Dukes, Sigal Prishtina ka reaguar me zëvendësimin e tij.
Të martën, Sigal Prishtina ka zyrtarizuar fundorin amerikan, Alex Lomax që do të jetë pjesë e ekipit deri në fund të sezonit.
25-vjeçari, i gjatë 183 centimetra transferohet te Prishtina pas përvojës në Bosnjë e Hercegovinë te skuadra e Zrinjskit, ku ka luajtur me një mesatare prej 19 pikëve, 5 kërcimeve e 4 asistimeve për ndeshje.
Lomax, gjithashtu e njeh mirë Superligën e Kosovës në basketboll pasi sezonin e shkuar ishte pjesë e skuadrës së Borës.
Fundori amerikan shihet si përforcim i rëndësishëm te Sigal Prishtina, jo vetëm në kampionat por edhe në Ligën ENBL, ku ekipi nga kryeqyteti ka siguruar pjesëmarrjen në “play-off”.
