Kryetari i Aleancës për Ardhmërinë e Kosovës (AAK), Ramush Haradinaj, me ftesë të Presidentes së Republikës, Vjosa Osmani, të hënën, ka zhvilluar një diskutim lidhur me Bordin e Paqes dhe zhvillimet politike në vend dhe në rajon.
Haradinaj ka bërë të ditur se gjatë takimit i ka shprehur Osmanit vlerësimin për pjesëmarrjen e Kosovës në Bordin e Paqes, me ftesë të Presidentit të Shteteve të Bashkuara të Amerikës, Donald J. Trump.
Ai ka theksuar se Aleanca për Ardhmërinë e Kosovës e mbështet pa asnjë hezitim këtë angazhim, duke e cilësuar partneritetin me SHBA-në si jetik për Kosovën.
“Çdo partneritet me Shtetet e Bashkuara të Amerikës, në çdo iniciativë ku jemi krah njëri-tjetrit, është i rëndësisë së veçantë për Kosovën”, ka shkruar Haradinaj në Facebook./teve1.info/
