Negociatorët nga Moska dhe Kievi zhvilluan të enjten një ditë të dytë bisedimesh të ndërmjetësuara nga SHBA-të në Abu Dhabi për t’i dhënë fund luftës së tyre.
“Po punojmë në të njëjtat formate si dje: konsultime trepalëshe, punë në grup dhe sinkronizim i mëtejshëm i pozicioneve”, tha Rustem Umerov, kreu i Këshillit të Sigurisë dhe Mbrojtjes Kombëtare të Ukrainës, i cili ishte i pranishëm në takim.
Delegacioneve nga Moska dhe Kievi iu bashkuan në kryeqytetin e Emirateve të Bashkuara Arabe i dërguari special i SHBA-së, Steve Witkoff, dhe dhëndri i Presidentit të SHBA-së, Donald Trump, Jared Kushner, sipas Umerov.
Gjenerali Alexus Grynkewich, Komandanti Suprem i Forcave Aleate të NATO-s në Evropë, ishte gjithashtu i pranishëm në bisedime, sipas një zëdhënësi të gjeneralit i cili foli në kushte anonimiteti për të diskutuar çështje të ndjeshme, raporton AP.
Witkoff, tha se SHBA-ja, Ukraina dhe Rusia kanë rënë dakord të shkëmbejnë 314 të burgosur në “shkëmbimin e parë të tillë në pesë muaj”.
