Kryeministri në detyrë i Kosovës, Albin Kurti, ka zhvilluar një takim me ambasadorin e Mbretërisë së Bashkuar në Kosovë, Jonathan Hargreaves.
Sipas njoftimit zyrtar, gjatë takimit, u diskutuan zhvillimet e fundit politike, rëndësia e përmbylljes së procesit zgjedhor dhe formimit të institucioneve sa më shpejt, si dhe çështje me interes bilateral midis Kosovës dhe Mbretërisë së Bashkuar.
Kurti ka shprehur falënderimet për mbështetjen e vazhdueshme të Britanisë së Madhe dhe për bashkëpunimin e ngushtë në çështjet e rëndësishme për vendin./teve1.info/
