Dhoma e Tregtisë dhe Industrisë Kosovë ka thënë se protestat që po mbahen në shtetet fqinje nga kompanitë transportuese, kanë shkaktuar probleme për kompanitë kosovare.
DHTIK u ka bërë thirrje Institucioneve të Kosovës që të vihen në kontakt me Bashkimin Evropian për gjetjen e një zgjidhjeje.
Ndërkaq, Bashkimi Evropian ka kërkuar veprime urgjente për tejkalimin e kësaj situate të shkaktuar nga sistemi i njohur si EES (Entry/Exit System), që u vendos në kufijtë e jashtëm të zonës Schengen dhe nisi të zbatohej gradualisht më 12 tetor 2025.
