Drejtoria e Arsimit në Komunën e Prishtinës ka bërë të ditur se nuk ka qenë e përfshirë dhe nuk ka dhënë autorizim për ligjëratën e mbi Gjykatën Speciale të mbajtur në ambientet e Shkollës së Mesme “Xhevdet Doda”.
Në një reagim kjo drejtori ka paralajmëruar marrjen e masave për mënyrën se si është vepruar për këtë çështje.
“Drejtoria e Arsimit në Kryeqytet shpreh indinjatën për mënyrën se si është vepruar dhe njofton se do të ndërmerren masa konkrete ndaj të gjithë personave që mbajnë përgjegjësi për këtë veprim, në përputhje me kompetencat dhe procedurat ligjore në fuqi.Po ashtu, do të trajtohet edhe roli i organizatës që ka realizuar këtë aktivitet me nxënësit e Shkollës së Mesme “Xhevdet Doda’”, thuhet në reagim.
Ligjerata është mbajtura nga Nisma e të Rinjve për të Drejtat e Njeriut në Kosovë (YIHR)
Nga shkolla “Xhevdet Doda” kanë pohuar mbajtjen e kësaj ligjërate, por kanë mohuar se ajo është mbajtur nga zyrtarë të Gjykatës Speciale.
