I dërguari special i Presidentit Donald Trump, Steve Witkoff, njoftoi të mërkurën nisjen e fazës së dytë të planit për t’i dhënë fund konfliktit në Gaza me krijimin e një administrate teknokratike palestineze në enklavë.
“Faza e Dytë krijon një administratë palestineze teknokratike kalimtare në Gaza, Komitetin Kombëtar për Administrimin e Gazës (NCAG), dhe fillon demilitarizimin dhe rindërtimin e plotë të Gazës, kryesisht çarmatimin e të gjithë personelit të paautorizuar”, tha Steve Witkoff në një deklaratë në platformën amerikane të mediave sociale X.
Ai tha se SHBA-të presin që Hamasi të përmbushë plotësisht detyrimet e tij sipas marrëveshjes, duke përfshirë “kthimin e menjëhershëm të pengut të fundit të ndjerë”.
“Mosveprimi në këtë drejtim do të sjellë pasoja të rënda”, shtoi Witkoff.
Witkoff falënderoi gjithashtu Turqinë, Egjiptin dhe Katarin “për përpjekjet e tyre të domosdoshme të ndërmjetësimit që bënë të mundur gjithë progresin deri më sot”.
