Ministrja në detyrë e Industrisë, Ndërmarrësish dhe Tregtisë, Rozeta Hajdari pas përfundimin të seancës fillestare për rezervat shtetërore ka thënë se ndihet plotësisht e pafajshme.
Ajo ka thënë se procesi ndaj saj është tendencioz dhe se Prokuroria Speciale ka shkelur dy ligje në ngritjen e aktakuzës.
“Unë ndihem krejtësisht e pafajshme, sepse është një proces tendencioz nga Prokuroria Speciale e Kosovës duke shkelur çdo procedurë ligjore, duke qenë në kundërshtim me ligjin për rezervat shtetërore dhe Ligjin për mbrojtjes e informacionit të klasifikuar, ka zhvilluar këtë aktakuzë ndaj meje, por me e rëndësishmja është të theksoj se qytetarët e Kosovës nuk ka në nevojë të shqetësohen për konsolidimin e rezervës shtetërore të cilën e kemi dyfishuar në Qeverinë Kurti II”, tha ajo.
Sot ka nisur seanca fillestare në rastin e rezervave shtetërore. Kjo seancë u mbyll për publikun./teve1.info/
Mbyllet për publikun seanca fillestare në rastin e rezervave shtetërore
