Sulmuesi i krahut, Ermir Rashica mund ta bëjë hapin e madh në karrierë gjatë këtij muaji, pasi për 21-vjeçarin interesim ka treguar një ekip nga Ligue 1 i Francës.
Mediumet në Ukrainë, kanë raportuar se Rashica në ndeshjet e fundit është monitoruar nga klubi francez, emri i të cilit nuk është bërë publik.
Rashica është pjesë e ekipit Metalist, me të cilin ka kontratë deri në vitin 2028 kurse iu bashkua para një viti nga Skënderbeu i Korçës.
Në 15 ndeshje kampionale deri më tani këtë sezon, Rashica që është produkt i Trepçës ’89, ka shënuar 2 gola dhe ka bërë 2 asistime për Metalistin.
Mbetet të shihet nëse gjatë këtij muaji, Rashica do ta bëjë lëvizjen e madhe duke u transferuar në elitën e futbollit francez, ndonëse nuk dihet se në cilën fazë kanë arritur negociatat mes klubeve.
