Kombëtarja A e Kosovës në hendboll ka pësuar humbje turpëruese nga të rinjtë e Sllovenisë U20, në kuadër të përgatitjeve që ekipi i Kosovës po i zhvillon në Slloveni.
Humbjen prej juniorëve të Sllovenisë, 32:26, Federata e Hendbollit e Kosovës, u mundua ta zbus, duke e përmendur vetëm si një ndeshje kontrolluese dhe se ka vazhduar përgatitjet e përbashkëta me Kombëtaren e Kuvajtit.
“Ndërkohë në mbrëmje Kombëtarja jonë luajti ndeshje kontrolluese me Slloveninë U20. Ndeshja u zhvillua në Ormozh. Fitore me rezultat 32:26 shënoi kombëtarja e re sllovene.
Përzgjedhësi i Kosovës, Jesper Ostlund, ua dha rastin të gjithë lojtarëve që i ka në grumbullim.
Ka pasur elemente pozitive, por edhe elemente në të cilat shtabi teknik po punon që të përmirësohen.
Kombëtarja të premten vazhdon me stërvitjet e radhës, kurse të shtunën është ndeshja me Algjerinë”, shkruan në njoftimin e FHK-së.
