Presidenti francez, Emmanuel Macron tha në një fjalim para ambasadorëve francezë në pallatin presidencial Elysee se Shtetet e Bashkuara “po largohen gradualisht nga disa prej aleatëve të tyre dhe po çlirohen nga rregullat ndërkombëtare”.
“Është çrregullimi më i madh, ligji i më të fortit, dhe njerëzit e zakonshëm pyesin veten nëse Grenlanda do të pushtohet, nëse Kanadaja do të jetë nën kërcënimin e bërjes shteti i 51-të (i Shteteve të Bashkuara) apo nëse Tajvani do të rrethohet më tej”, tha Macron, citon Associated Press.
Presidenti francez vuri në dukje një botë “gjithnjë e më jofunksionale” ku fuqitë e mëdha, përfshirë SHBA-në dhe Kinën, kanë “një tundim të vërtetë për ta ndarë botën mes tyre”.
Komentet e presidentit francez vinë pas operacionit ushtarak amerikan në Venezuelë fundjavën e kaluar ku u rrëmbyë presidenti i vendit, Nicolas Maduro.
Pas këtij aksioni, administrata Trump ka rifilluar argumentet mbi pushtimin e Grenlandës për arsye sigurie.
