Forcat ajrore të Izraelit kanë goditur zona në pjesën e Libanit jugor dhe lindor të hënën dhe të marrtën, përfshirë edhe në qytetin e tretë më të madh.
Një goditje natën e së martës shkatërroi një ndërtesë tregtare trekatëshe në qytetin bregdetar jugor të Sidonit, disa ditë para se komandanti i ushtrisë së Libanit të planifikojë të informojë qeverinë mbi misionin e saj për çarmatosjen e grupit Hezbollah në zonat përgjatë kufirit me Izraelin, raporton Associated Press.
Presidenti libanez Joseph Aoun në një deklaratë të martën ka dënuar sulmet si kundërshtim ndaj përpjekjeve ndërkombëtare për të ulur tensionet, ashtu edhe ndaj përpjekjeve të Libanit për të zgjeruar autoritetin e qeverisë në zonat e dominuara prej kohësh nga Hezbollahu dhe për çarmatosjen e tij.
Ushtria izraelite tha të martën se shënjestroi vendet e magazinimit të armëve dhe infrastrukturën që i përkisnin grupeve Hezbollah dhe Hamas, megjithëse pranuan se vendet ndodheshin në zona civile.
Pavarësisht një armëpushimi që u nënshkrua më shumë se një vit më parë, sulmet izraelite në Liban kanë qenë pothuajse të përditshme.
