Policia turke ka kryer një operacion të madh kundër grupit IS të martën përgjatë Turqisë, duke arrestuar 357 të dyshuar, ka thënë ministri i brendshëm.
Bastisjet erdhën një ditë pasi një përleshjeje vdekjeprurëse në provincën veriperëndimore të Yalovës, ku mbetën të vrarë tre oficerë policie dhe u vranë 6 militantë të IS.
Turqia ka nisur një seri operacionesh kundër celulave të dyshuara të grupit IS në javën e kaluar, pas raporteve se të njëjtit planifikonin sulme në vend.
Të martën, policia kreu bastisje të njëkohshme në 21 provinca, duke përfshirë Stambollin, Ankaranë dhe Jalovën, dhe arrestoi 357 të dyshuar, tha Ministri i Brendshëm Ali Yerlikaya në një deklaratë të postuar në X. Ai nuk dha detaje të mëtejshme.
Më parë, Zyra e Kryeprokurorit të Stambollit tha se 110 të dyshuar u arrestuan në bastisje në 114 adresa, raporton Associated Press.
Disa nga të dyshuarit ishin të lidhur me militantët që hapën zjarr kundër policisë në Yalova, ndërsa të tjerë dyshoheshin për planifikimin e sulmeve të mundshme rreth Ditës së Vitit të Ri, tha ajo.
