Dy persona janë raportuar të zhdukur gjatë 24 orëve të fundit, ka njoftuar Policia e Kosovës.
Sipas raportit 24-orësh të PK-së, një rast është shënuar në Shtime, ndërsa tjetri në Prizren.
Në Shtime, një infermier në një ent social ka raportuar se një pacient është larguar nga institucioni dhe nuk dihet asgjë për vendndodhjen e tij.
“Ankuesi, mashkull kosovar, infermier në Entin Special, ka raportuar se pacienti – viktima mashkull kosovar – është larguar nga enti dhe nuk dihet asgjë për vendndodhjen e tij. Rasti është duke u hetuar”, thuhet në raportin policor.
Ndërkohë, në Prizren, një person ka raportuar se djali i tij ka dalë nga shtëpia dhe nuk është kthyer më.
“Ankuesi mashkull kosovar ka raportuar se djali i tij, viktima mashkull kosovar, ka dalë nga shtëpia dhe nuk dihet asgjë për vendndodhjen e tij. Rasti është nën hetime”, bëhet e ditur nga Policia e Kosovës.
Të dyja rastet janë duke u hetuar nga Policia e Kosovës./teve1.info/
