Kandidatja për deputete nga Lidhja Demokratike e Kosovës, Janina Ymeri ka thënë se të mërkurën ka qenë ditë krizë e jashtëzakonshme e energjisë elektrike.
Ajo ka thënë se një kompani ka fituar 1 milion euro vetëm për bartjen e energjisë elektrike nga Maqedonia e Veriut.
Në emisionin “Këndi i Debatit” në Tëvë1 ajo ka thënë se me këtë kompani fituese, kryeministri në detyrë Albin Kurti kishte zhvilluar takim.
“Dje ka kushtuar bartja 1 milion euro, vetëm bartja prej Maqedonisë së Veriut, ka qenë ditë krize e jashtëzakonshme e energjisë elektrike dje. Dje ka fituar ankand të bartjes kompani që e ka takuar Kurti me supozimin që ka fol për investimi në energji dhe ja ku jemi”, ka thënë Ymeri.
Ymeri ka folur edhe për tenderin në njësinë A3 në KEK, të cilin ajo ka thënë se LDK do ta kthejë në pikën zero nëse LDK e drejton qeverinë.
