Krerët e Shqipërisë kanë përcjellë urime për besimtarët e krishterë me rastin e festës së Krishtlindjes.
Presidenti i Republikës, Bajram Begaj, i ka uruar besimtarët përmes një postimi në rrjetin social X, ku ka theksuar mesazhin e shpresës, paqes dhe begatisë.
“Krishtlindje të gëzuara, plot shpresë e begati për të gjithë miqtë tanë të krishterë! Le të jetë kjo Krishtlindje burim paqeje dhe gëzimi, si dhe një mundësi për të kaluar çaste të lumtura me njerëzit tuaj më të dashur”.
Krishtlindje të gëzuara, plot shpresë e begati për të gjithë miqtë tanë të krishterë!
Le të jetë kjo Krishtlindje burim paqeje dhe gëzimi, si dhe një mundësi për të kaluar çaste të lumtura me njerëzit tuaj më të dashur! pic.twitter.com/tfp4BEn5vt
— Bajram Begaj (@BajramBegajAL) December 25, 2025
Urime ka përcjellë edhe Kryeministri Edi Rama, i cili ka zgjedhur t’u drejtohet besimtarëve përmes një postimi në Facebook.
Rama ka shoqëruar urimin me një imazh nga frontespici i veprës monumentale të Pjetër Bogdanit, “Çeta e Profetëve”.
“Gëzuar Krishtlindjen”, ka shkruar kreu i qeverisë.
