Departamenti i Shtetit të SHBA-së u ka mohuar vizat pesë njerëzve pasi i akuzoi ata se po përpiqen të “detyrojnë” platformat amerikane të teknologjisë të shtypin lirinë e fjalës.
Në mësin e atyre që iu është dënuar viza është edhe ish-komisioneri francez i BE-së, dy aktivistë britanikë të mediave sociale dhe dy figurave të larta në një grup anti-urrejtje online me seli në Gjermani.
SHBA-të i cilësuan masat si një përgjigje ndaj njerëzve dhe organizatave që kanë bërë fushatë për kufizime mbi firmat amerikane të teknologjisë, me Sekretarin e Shtetit Marco Rubio që tha se ato i përkisnin një “kompleksi global të censurës-industriale”.
Guardian citon se Rubio tha se: “Presidenti Trump ka qenë i qartë se politika e tij e jashtme “Amerika e Para” hedh poshtë shkeljet e sovranitetit amerikan. Tejkalimi i ndikimit jashtëterritorial nga censorët e huaj që synojnë fjalimin amerikan nuk bën përjashtim.”
Ministri i Jashtëm gjerman Johann Ëadephul kritikoi të mërkurën ndalimin e hyrjes të vendosur nga qeveria amerikane për drejtorët menaxhues të HateAid, një qendër këshillimi gjermane që lufton gjuhën e urrejtjes në internet.
Akti i Shërbimeve Dixhitale (DSA), i cili rregullon platformat online në BE, siguron “që çdo gjë që është e paligjshme jashtë linje është e paligjshme edhe në internet”, shkroi Ëadephul në kompaninë amerikane të mediave sociale X.
Edhe presidenti francez. Emmanuel Macron ka dënuar lëvizjen duke e cilësuar si akt “intimidimi”.
“Franca dënon masat e kufizimit të vizave të ndërmarra nga Shtetet e Bashkuara kundër Thierry Breton dhe katër figurave të tjera evropiane. Këto masa përbëjnë frikësim dhe shtrëngim që synojnë minimin e sovranitetit dixhital evropian”, tha Macron në rrjetin social X.
Macron theksoi se rregullat dixhitale të BE-së u miratuan përmes një “procesi demokratik dhe sovran” nga Parlamenti Evropian dhe Këshilli, dhe zbatohen brenda Evropës për të siguruar konkurrencë të drejtë midis platformave dixhitale.
Ai tha se rregulloret nuk synojnë asnjë vend të tretë dhe janë hartuar për të siguruar që ajo që është e paligjshme jashtë linje, të jetë e paligjshme edhe në internet.
