Draftet fillestare të propozimeve të SHBA-së për një marrëveshje paqeje mes Rusisë dhe Ukrainës plotësojnë shume kërkesa të Kievit, ka deklaruar presidenti ukrainas, Volodymyr Zelensky të hënën.
Lideri ukrainas tha për bisedimet e fundit me amerikanët se “në përgjithësi, dukenmjaft solide në këtë fazë”, megjithëse sugjeroi se me gjasë, asnjëra palë nuk do të arrijë gjithçka që dëshiron.
“Ka disa gjëra për të cilat ndoshta nuk jemi gati, dhe jam i sigurt se ka gjëra për të cilat as rusët nuk janë gati”, u tha Zelenskyy gazetarëve në Kiev, citon AP.
Zelensky tha se “pothuajse 90%” e kërkesave të Ukrainës janë përfshirë në draft-marrëveshjet. Ai tha se baza e marrëveshjes së propozuar është një plan me 20 pika.
Edhe i dërguari special i SHBA-së, Steve Ëitkoff, ka deklaruar të dielën se zhvilloi bisedime “produktive dhe konstruktive” në Florida me përfaqësues ukrainas dhe evropianë.
