Sekretari gjeneral i NATO-së, Mark Rutte ka paralajmëruar se Rusia mund të provojë ta mbajë Evropën “të zënë” nëse Kina sulmon ushtarakisht Tajvanin.
Rutte në një intervistë për gazetën gjermane të dielën tha se Moska dhe Beijingu janë të koordinuar mes vete dhe çdo eskalim në Indo-Paqësor mund të ketë pasoja direkte për sigurinë evropiane.
“Ne gjithashtu shohim lidhjen globale midis Kinës dhe Rusisë. Kina po e shqyrton Tajvanin. Dhe jam i bindur se nëse Kina ndërmerr veprime ushtarake atje, ajo do të ushtrojë presion mbi partnerin e saj të vogël, Rusinë, nën udhëheqjen e Putinit, që të na mbajë të zënë këtu në Evropë”, tha ai.
Rutte tha se mbajtja e Ukrainës e fortë është qendrore për sigurinë evropiane, transmeton Anadolu.
“Nëse Rusia do të merrte kontrollin e të gjithë Ukrainës, kjo do të kishte pasoja të mëdha për NATO-n – dhe ne do të duhej të shpenzonim shumë më tepër sesa ajo për të cilën ramë dakord në Hagë”, tha ai.
Rutte hodhi poshtë gjithashtu spekulimet se Uashingtoni mund të shkëputet nga Evropa, duke lavdëruar rolin e Presidentit të SHBA-së Donald Trump, dhe duke thënë se ai është i vetmi që ka arritur ta vendos Putinin në tavolinën e negociatave dhe i vetmi që mund të arrijë ta detyrojë atë të bëj paqe.
