Ministri i Jashtëm danez ka insistuar të hënën se të gjithë, përfshirë dhe SHBA-në, duhet të respektojnë ”integritetin territorial të Mbretërisë së Danimarkës”, pasi që presidenti amerikan, Donald Trump caktoi guvernatorin e Luisianës si të dërguar special për Grenlandën.
Trump ka bërë thirrje disa herë gjatë mandatit të tij për një juridiksion mbi Grenlandën, një territor gjysëm-autonom i Danimarkës, dhe nuk ka përjashtuar forcën ushtarake për të marr kontrollon e vendit të pasur me minerale.
Të dielën, Trump njoftoi emërimin e Guvernatorit të Luizianës, Jeff Landry, si të dërguar të posaçëm në Groenlandë. Ai tha se “Jeff e kupton sa thelbësore është Groenlanda për Sigurinë tonë Kombëtare dhe do të përparojë fuqishëm Interesat e Vendit tonë për Sigurinë, Mbijetesën dhe Sigurinë e Aleatëve tanë, dhe në fakt, të Botës”.
Landry shkroi në një postim në X se “është një nder t’ju shërbej në këtë pozicion vullnetar për ta bërë Groenlandën pjesë të SHBA-së”.
Ministri i Jashtëm danez Lars Lokke Rasmussen tha në një deklaratë të shkurtër të dërguar me email nga ministria e tij se “emërimi konfirmon interesin e vazhdueshëm amerikan në Groenlandë”.
“Megjithatë, ne këmbëngulim që të gjithë – përfshirë SHBA-në – duhet të tregojnë respekt për integritetin territorial të Mbretërisë së Danimarkës”, shtoi ai.
Më herët këtë muaj, Shërbimi i Inteligjencës së Mbrojtjes Daneze tha në një raport vjetor se SHBA-të po përdorin fuqinë e tyre ekonomike për të “shpallur vullnetin e tyre” dhe për të kërcënuar me forcë ushtarake si miqtë ashtu edhe armiqtë njësoj.
