Mesfushori Ardon Jashari është i gatshëm për lojë dhe insiston se tash fokusi i tij është ta ndihmojë ekipin e Milanit për të arritur objektivat.
Kur është pyetur se a është synim titulli i kampionit, Jashari ka thënë se Milani këtë sezon e ka qëllim kualifikimin në Ligën e Kampionëve, duke shtuar se për Scudetto është herët të flitet.
“Tani mendjen e kam të përqëndruar kryesisht te argëtimi dhe përpjekja për të ndihmuar shokët e ekipit që të arrijmë qëllimin. Lëndimi tashmë i takon të kaluarës dhe jam gati, ndërsa si ekip po punojmë për të luajtur në Champions sezonin tjetër pasi ky është synimi ynë. Sa i përket titullit, është herët të flitet për këtë”, ka thënë Jashari.
Gjithashtu, Jashari ka pasur fjalë të mëdha edhe për trajnerin Massimiliano Allegri që e çmon shumë.
Në fakt, ishte vet Allegri, ai që insistoi në transferimin e Jasharit nga Brugge për gati 40 milionë euro pasi ka besim në mesfushorin 23-vjeçar.
Jashari deri më tani ka vetëm tri paraqitje për Milanin pasi u detyrua të qëndronte jashtë fushës për më shumë se dy muaj.
Ai pritet të ketë minuta në gjysmëfinalen e Superkupës së Italisë, ku Milani përballet me Napolin, ndeshje kjo që luhet sot prej orës 20:00 në Arabinë Saudite.
