Mesfushori i Kombëtares së Kosovës, Lindon Emërllahu brenda kësaj jave do të bëhet me ekip të ri.
Emërllahu, tashmë është në Ukrainë, ku do ti nënshtrohet testeve mjekësore, përpara se ta firmos kontratën dhe të prezantohet te skuadra Polissya Zhytomyr.
Ai te skuadra ukrainase, do të transferohet nga Cluji i Rumanisë për 1.5 milionë euro, shumë kjo që do të shkojë në 2 milionë euro me bonuse.
Paga e tij vjetore te skuadra e re, pritet të jetë rreth 350 mijë euro pa bonuse kurse kontrata do të jetë afatgjate.
23-vjeçari në fillim të këtij viti iu bashkua Clujit nga Ballkani për 700 mijë euro kurse nga transferimi i Emërllahut në Ukrainë do të fitojë edhe ekipi nga Suhareka.
Emërllahu ka shënuar 4 gola dhe ka bërë 2 asistime në 24 paraqitje këtë sezon për Clujin, ekip që ka ruajtur 15% të kartonit tij.
