Gjatë 24 orëve të fundit, katër persona janë arrestuar për dyshimin se kanë ushtruar dhunë në familje, ka njoftuar Policia e Kosovës.
Në Shtërcpë, një person është arrestuar nën dyshimin se ka ushtruar dhunë ndaj bashkëshortes së tij.
Sipas raportit të Policisë, viktima nuk ka pësuar lëndime. I dyshuari është dërguar në mbajtje me vendim të prokurorit.
“Është arrestuar i dyshuari mashkull nën dyshimin se ka shkaktuar dhunë në familje ndaj bashkëshortes së tij femër. Viktima nuk ka pësuar lëndime. Me vendim të prokurorit, i dyshuari është dërguar në mbajtje”, thuhet në raportin e Policisë.
Në Istog, një person tjetër është arrestuar për dhunë psikike ndaj bashkëshortes.
Po ashtu, ai është dërguar në mbajtje pas vendimit të prokurorit.
“Është arrestuar i dyshuari mashkull, pasi ka ushtruar dhunë psikike ndaj bashkëshortes. Me vendim të prokurorit, i dyshuari është dërguar në mbajtje”, ka njoftuar Policia në raportin 24-orësh.
Në Pejë, një grua dhe një burrë janë përfshirë në një përleshje pas një mosmarrëveshje.
Të dy janë arrestuar, por pas intervistimit janë liruar në procedurë të rregullt.
“Raportohet se pas një mosmarrëveshje janë përfshirë në një përleshje ndërmjet vete një femër dhe një mashkull. E dyshuara dhe i dyshuari janë arrestuar dhe pas intervistimit, me vendim të prokurorit, janë liruar në procedurë të rregullt”, thuhet në raportin e Policisë.
