Albin Kurti, lideri aktual politik në Kosovë, ishte i arrestuar politik gjatë kohës së luftës në Kosovë dhe u lirua më 7 dhjetor 2001, pas presionit ndërkombëtar për lirimin e të burgosurve politik të regjimit serb.
Ai u arrestua më 27 prill 1999 në Prishtinë dhe që nga ajo kohë u mbajt në disa burgje të ndryshme, duke përfshirë Prishtinën, Lipjanin, Pozharvcin, Nishin dhe Quprin.
Kurti nga 27 prilli 1999 deri më 2 maj 1999 është mbajtur në burgun e Prishtinës, prej 2 maj deri më 10 qershor në burgun e Lipjanit, prej 10 qershorit deri më 13 dhjetor 1999 në burgun e Pozharevcit, ndërsa prej 13 dhjetorit deri më 13 mars 2000, në burgun e Nishit.
Procesi gjyqësor ndaj tij nisi më 9 mars 2000 dhe më 13 mars i shqiptohet dënimi prej 15 vjetësh për “cenim të integritetit territorial dhe sovranitetit të Jugosllavisë” sipas nenit 116.
Kurti kaloi periudha të ndryshme në burgje deri në lirimin e tij më 7 dhjetor 2001.
Përveç kohës në burgjet e Serbisë, ai është arrestuar disa herë edhe në Kosovë gjatë periudhës së konfliktit.
