“Nuk po na shohin më sy të dhimbshëm por kanë filluar me bë më shumë për ne, po më duket që janë tu e ndje”
Pak progres në trajtimin e personave me aftësi të kufizuar po sheh, edhe Eldin Gashi, një prej tyre.
Megjithatë, 20 vjeçari ka një porosi drejtuar institucioneve në Ditën Ndërkombëtare të Personave me Aftësi të Kufizuara.
“Viteve të kaluara nuk ka pasur shumë progres në shtetin tonë sa i përket personave me aftësi të kufizuara, por me kalimin e viteve jemi duke e parë që institucionet kanë filluar me na mbështetNjë mesazh për institucionet që të na mbështesin sa më shumë në kauzën tonë, në vështirësitë tona të përditshme në gjerat esenciale që i kemi çdo ditë, në barna që është një faktorë kryesor tek personat me aftësi të kufizuar dhe në infrastrukturë”, ka thënë Gashi.
E me moton “Ndryshimi nis nga unë”, i pari i “Handikos”, Afrim Maliqi kërkon të behët më shumë në eliminimin e barrierave për këtë kategori.
“Në Kosovë, çdo ditë mijëra persona ballafaqohen me sfida të shumta, jo për shkak të aftësie së kufizuara, por për shkak të institucioneve të cilat nuk marrin veprime konkrete në përmbushjen e të drejtave të tyre dhe përmirësimin e jetës sonë. Nuk marrin veprime në eliminim e barrierave apo rregullimin e qasjes, nuk marrin veprime konkrete në përfshirjen publike të personave me aftësi të kufizuara, nuk marrin veprime konkrete në shërbimet rehabilituese institucionale, shërbime të duhura cilësore, nuk marrin veprime për përfshirjen e fëmijëve në arsim”, është shprehur Maliqi.
Kurse edhe sipas avokatit të popullit, shteti duhet bërë më shumë për tu garantuar të drejta të plota personave me aftësi të kufizuar.
“Ne jemi të vetëdijshëm që ka pasa të arritura në Republikën e Kosovës janë përmirësuar kushtet, janë përmirësuar shërbimet ka legjislacion që shpesh herë e themi është mirë i plotë. Megjithatë, nga ankesat që ne pranojmë nga shqetësimet që vijnë nga shoqëria civile, nga vet personat më aftësi të kufizuara ne kuptojmë që kemi më shumë punë para nesh, për me mujt me konstatua që ky shtet u garanton të drejta të plota të gjithë qytetarëve të tij”, ka thënë Qelaj.
E një hapë drejtë përmirësimit të kushteve për personat me aftësi të kufizuar është bërë nga disa dikastere.
“Jemi duke punuar dhe kemi shtyr procesin tek Ministria e Shëndetësisë për me marr veprim konkret për personat me aftësi të kufizuar e personat paratetraplegjik për të nxjerr një akt nënligjor për rehabilitimin fizik shëndetësor dhe social”, ka theksuar Hajredini.
E përmirësimin e kushteve thonë se e kanë prioritet edhe Komuna e Prishtinës.
“Jemi duke punuar që hapësira publike në kryeqytet e në veçantë hapësirat në institucionet publike të mos kenë pengesa qoftë në pjerrina, qoftë në mungesë të lifteve”, është shprehur Sahiti.
Ndërsa, për të pranishmit “Handikos” ndau mirënjohje për kontributin që japin në këtë organizatë.
