Federata e Volejbollit e Kosovës, gjatë fundjavës do të organizoj garën tradicionale, “Kupa Pavarësia 2025”, që është një organizim i përbashkët me Federatën Shqiptare të Volejbollit.
Duke nisur nga e premtja e deri të dielën, një bashkëorganizim mes FVK-së dhe FSHV-së, i bashkon ekipet nga Kosova, Shqipëria dhe Maqedonia e Veriut, në garën tashmë tradicionale, që zhvillohet për nder të festave të 28 nëntorit.
Garat zhvillohen në Ferizaj, në palestrën e sporteve “Bill Clinton”. Të premten nga ora 17:00 ndeshen Peja – Shkëndija, ndërsa nga ora 20:00, Partizani – Ferizaj. Të shtunën nga ora 17:00 Fer Volley luan kundër vashave të Dinamos, ndërsa nga ora 20:00, Pogradeci e pret Dritën.
Të dielën zhvillohen ndeshjet finale, nga ora 14:00 luajnë meshkujt dhe nga ora 17:00, luhet finalja në konkurrencën e femrave.
