Kryeministri i Shqipërisë, Edi Rama, i ka cilësuar si telenovela pyetjet për raportet e tij me kryeministrin në detyrë të Kosovës.
Gazetarit të Tëvë1, kur është pyetur për raportet me Kurtin, Rama i është drejtuar duke thënë:
“E keni bërë si telenovelë, a e do a se do.”
I pyetur se pse nuk po jep përgjigje më të qartë, Rama shtoi:
“Po të përgjigjem, përfundon telenovela.”
Shqipëria do të mirëpresë sot Samitin e Planit të Rritjes së Bashkimit Evropian, ku do mbledhë në Tiranë liderët e Ballkanit Perëndimor dhe Komisioneren për Zgjerimin e BE-së, Marta Kos. Kosova përfaqësohet nga kryeministri në detyrë i Republikës së Kosovës, Albin Kurti.
Diskutimet për planin e rritjes, integrimin ekonomik dhe transformimin e rajonit drejt Tregut të Bashkimit Europian, do të jenë në fokus të punimeve të këtij samiti.
