Në Qendrën e Numërimit dhe Rezultateve në Fushë-Kosovë ka nisur numërimi i votave me postë nga diaspora.
Këto fletëvotime i takojnë zgjedhjeve të raundit të dytë për kryetarë të 18 komunave.
Sipas të dhënave të KQZ-së, deri në pasditen e së premtes më shumë 12 mijë pako të supozuara me fletëvotime nga votimi me postë jashtë Kosovës dhe që i takojnë zgjedhjeve të raundit të dytë për kryetarë të 18 komunave, janë vlerësuar dhe verifikuar nga shërbimi votues i KQZ-së.
Zëdhënësi i KQZ-së, Valmir Elezi theksoi se më 11 dhe 12 nëntor, nga kutitë postare të KQZ-së në 22 shtete të ndryshme të botës, është bërë tërheqja e 13,084 pakove të supozuara me fletëvotime, ndërkaq numri i votuesve të regjistruar për votim jashtë Kosovës në 18 komunat ku u mbajt raundi i dytë ishte 29,725 votues./teve1.info/
