Barcelona po synon të mbyllë rinovimin e kontratës së Eric Garcias para përfundimit të vitit, për të shmangur situatën e vitit 2026, kur mbrojtësi spanjoll mund të negociojë me klube jashtë Spanjës, pasi kontrata aktuale skadon në fund të sezonit.
Megjithatë, një skenar i tillë duket larg, pasi blaugranët janë shumë pranë arritjes së marrëveshjes për termat e rinovimit me mbrojtësin spanjoll, i cili ka rritur rëndësinë e tij nën drejtimin e Hansi Flick.
Garcia është bërë një lojtar i pazëvendësueshëm për gjigantët katalanas këtë sezon, duke pasur edhe minutazh më të lartë.
Kapaciteti i tij për të luajtur si qendërmbrojtës, mbrojtës krahu dhe mesfushor ka ndihmuar që të jetë një figurë kyçe në ekip.
Drejtori sportiv, Deco, ka qenë në bisedime me agjentin e tij, Ivan Da la Pena, për një rinovim deri në vitin 2029, me opsion për një vit shtesë.
Burime të afërta me palët raportojnë se nuk ka shqetësime për një pengesë, pasi të dyja palët janë në harmoni të plotë.
Ky rinovim pritet gjithashtu të mbyllë spekulimet që e lidhin Garcian me një transferim te Paris Saint-Germain
