Sulmuesi i krahut, Arbër Hoxha së shpejti do ta firmos kontratën e re afatgjate me Dinamon e Zabregit, kanë raportuar mediumet në Kroaci.
Bëhet e ditur se palët tashmë kanë arritur marrëveshjen, e cila pritet të bëhet zyrtare brenda këtij muaji.
Në fakt, thuhet se Hoxha është shpërblyer me kontratën e re pas paraqitjeve fantastike që i ka treguar këtë sezon me fanellën e klubit të madh kroat.
Kontrata e re, do të jetë valide deri në verën e vitit 2029, ndërsa Hoxha do të ketë pagë vjetore prej 500 mijë eurosh.
Kontrata aktuale i skadon Hoxhës në vitin 2027, ndërsa ai iu bashkua Dinamos në vitin 2024 nga Slaven Belupo për 1 milion euro dhe deri më tani, 27-vjeçari për ekipin nga Zagrebi ka shënuar 8 gola dhe ka bërë 9 asistime në 79 paraqitje në të gjitha garat.
Këtë sezon, Hoxha ka 3 gola e po aq asistime në 16 ndeshje të luajtura kurse gjatë verës pati interesim për transferimin e tij nga Italia, Anglia e Turqia.
