28-vjeçari tha në një video në Instagram se anulimi është bërë për shkak të diagnostikimit me sindromën Ramsay Hunt.
“Siç mund ta shihni, ky sy nuk po pulson. Unë nuk mund të buzëqesh në këtë anë të fytyrës sime. Pra, ka paralizë të plotë në këtë anë të fytyrës sime”, ka thënë Bieber.
Në fillim të kësaj jave u bë e ditur se tri shfaqje të turneut botëror të Bieber do të shtyheshin.
“Është nga ky virus që sulmon nervin në veshin tim dhe nervat e mia të fytyrës dhe ka bërë që fytyra ime të ketë paralizë”, ka thënë këngëtari i lindur në Kanada në videon tre minutëshe, duke treguar anën e djathtë të fytyrës së tij.
Ai ka kërkuar nga fansat e tij të jenë të durueshëm duke shtuar se për shfaqjet e tij të ardhshme nuk do të jetë i aftë fizikisht.
Bieber gjithashtu buzëqeshi dhe pulsoi sytë, duke u treguar 240 milionë ndjekësve të tij se si ana e djathtë e fytyrës së tij nuk lëvizte.
“Kjo është shumë serioze, siç mund ta shihni. Do të doja të mos ishte kështu, por, padyshim, trupi im më thotë se duhet të ngadalësoj. Shpresoj që ju të kuptoni. Unë do ta përdor këtë kohë vetëm për të pushuar dhe për t’u çlodhur dhe për t’urikthyer në njëqind për qind në mënyrë që të mund të bëj atë që kam lindur për të bërë”, ka shtuar këngëtari kanadez.
Justin Bieber posted a video on Instagram to explain why he had cancelled a series of upcoming performances.
The singer revealed he has been struck by a rare virus that caused half of his face to be temporarily paralysed.
Full story: https://t.co/Kdtl54JVBr pic.twitter.com/DfEvVMR6iV
— Sky News (@SkyNews) June 11, 2022
