Policia indiane po e heton shpërthimin vdekjeprurës me makinë në Nju Delhi, të hënën mbrëma duke shkaktuar vdekjen e të paktën tetë personave dhe plagosjen e disa të tjerëve, njoftuan zyrtarët të martën.
Rasti po hetohet në bazë të një ligji antiterrorizëm, ndërsa ekspertët mjeko-ligjorë po punonin për të përcaktuar shkakun e ngjarjes.
Shpërthimi ndodhi të hënën mbrëma pranë Fortesës historike të Kuqe, raporton Associated Press.
Sipas zyrtarëve të lartë të policisë, një rast është regjistruar sipas Aktit të Aktiviteteve të Paligjshme (Parandalimit) – ligji kryesor antiterrorizëm i Indisë që u jep autoriteteve hetuese kompetenca të zgjeruara për ndalimin e të dyshuarve.
Zyrtarët folën në kushte anonimiteti për shkak të ndjeshmërisë së çështjes.
Kryeministri Narendra Modi, i cili ndodhej në një vizitë të planifikuar në Butan të martën, deklaroi se hetuesit do të “zbulojnë deri në fund këtë komplot”.
“Komplotistët nuk do të kursehen dhe të gjithë ata që janë përgjegjës do të dalin para drejtësisë”, tha Modi.
