Nominimet për Çmimet Grammy 2026 janë shpallur dhe fansat e këngëtares Taylor Swift vunë re menjëherë një surprizë të madhe; albumi i saj i ri “The Life of a Showgirl” nuk mori asnjë nominim. Albumi u publikua pas përfundimit të periudhës së aplikimit për këtë vit. Botuesit mund të dorëzonin projekte të publikuara midis 31 gushtit 2024 dhe 30 gushtit 2025, ndërsa “The Life of a Showgirl” u publikua më 3 tetor 2025.
Për shkak të kësaj, albumi do të merret në konsideratë vetëm për Çmimet Grammy të vitit 2027. Ndër emrat më të përmendur para shpalljes së nominimeve ishin Sabrina Carpenter, Kendrick Lamar, Lady Gaga dhe Bad Bunny, ylli i ardhshëm i Super Bowl. Tani është konfirmuar zyrtarisht se kush do të garojë në kategoritë më të rëndësishme.
Rikujtojmë, se artistja nga Florida, Kimberly Marasco, ka ngritur një padi të dytë të ndryshuar kundër Taylor Swift, kompozitorit Aaron Dessner dhe shtëpive diskografike Universal Music Group dhe Republic Records, duke kërkuar të gjitha fitimet nga këngët që ajo pretendon se përmbajnë materiale të saj të mbrojtura me të drejta autoriale.
Marasco pretendon se Swift dhe bashkëpunëtorët e përdorën poezinë e saj në tekste këngësh dhe video si “Lover”, “Folklore”, “Midnights” dhe “The Tortured Poets Department”. Taylor Swift ka rrëfyer për herë të parë historinë e propozimit nga partneri i saj, Travis Kelce, gjatë një interviste në emisionin britanik “The Graham Norton Show”. Këngëtarja 35-vjeçare tregoi se momenti ndodhi këtë verë dhe e surprizoi plotësisht.
