Agjencia e lajmeve Associated Press ka shpallur kandidatin demokrat, Zohran Mamdani, fitues të garës vendimtare për kryetar bashkie në Nju Jork, duke shënuar një moment historik për qytetin.
Mamdani, një ligjvënës 34-vjeçar nga Queens, do të jetë kryetari i parë mysliman dhe personi i parë me prejardhje nga Azia Jugore që udhëheq qytetin në historinë e tij 400-vjeçare.
Mamdani e nisi fjalimin e fitores duke falënderuar mbështetësit e tij: “E ardhmja është në duart tona. Miqtë e mi, ne kemi rrëzuar një dinasti politike.”
Ai e përshkroi fitoren e tij si dëshmi se udhëheqja e re është e mundur kur “politika flet me ju pa përçmim.”
Ai e cilësoi këtë fitore si një triumf për ata “që kaq shpesh harrohen nga politika e këtij qyteti,” duke përmendur “shoferët senegalezë të taksive, infermierët uzbekë dhe kuzhinierët nga Trinidadi.”
“Ky qytet është qyteti juaj, dhe kjo demokraci është e juaja gjithashtu,” shtoi ai.
Në një mesazh të drejtpërdrejtë për Donald Trump, i cili është me origjinë nga Nju Jorku, Mamdani tha: “Donald Trump, meqë e di që po na shikon, kam katër fjalë për ty: Rrite volumin!”
Kur të betohet më 1 janar, Mamdani do të bëhet kryetari më i ri i bashkisë së Nju Jorkut në një shekull.
Ai do të zëvendësojë kryetarin aktual Eric Adams, i cili u tërhoq nga gara mes sondazheve të ulëta dhe një sërë skandalesh. /teve1.info/
