Mirëpo sipas Arifit një problem shumë të madh që ka krijuar Serbia, më konkretisht presidenti i saj, Aleksandar Vuçiq është moskomunikimi diplomatik dhe institucional në mes Shqipërisë dhe Kosovës.
“Problemi tjerët që e shoh më shumë është moskomunikimi me Republikën e Shqipërisë, këtë e shoh si pikë jashtëzakonisht të dobët dhe në njëfarë mënyre, Vuçiq e ka arritur ndoshta një qëllim. Ndoshta e ka pasur edhe qëllim primar që ta bëjë siç është ajo “përçaj dhe sundo”. Pra mbase e ka arritur këtë pikë që ta ndërprejë komunikimin tash edhe diplomatik dhe institucional në mes Shqipërisë dhe Kosovës. Aty është qëllimi sepse ai qytetar është diçka tjetër por institucional është më i rëndësishëm për shkak të projekteve që mund të bëhen në të ardhmen apo mos mund të bëhen e kështu me radhë”, tha ai.
Arifit tutje në emisionin “Këndi i Debatiti” në Tëvë1 tha se qeveria nuk duhet të ketë inate personale, sepse sipas tij më rëndësi është që të arrihet qëllimi i çështjes që është prioritet për Kosovën.
“Pra ku qëndron Kosova me Republikën e Shqipërisë, pse Kosova në njëfarë mënyre e anashkalon edhe Shqipërinë. Pra nuk ulen që të bisedojnë, e kemi shumë marrëveshje me Shqipërinë por atëherë pse kjo tërheqje e të dyja palëve kur nuk e kemi një politikë të jashtë të përbashkët… por ne nuk jemi njerëz praktikë Kjo po vërehet. Kjo i ka munguar edhe qeverive të tjera po i mungon edhe kësaj qeverie. Domethënës nganjëherë nuk duhet me pas inate personale sepse me rëndësi është të arrihet qëllimi i një çështje që ne mendojmë që është prioritet për neve”, tha ai.