Berisha në emisionin “Ditari” në Tëvë1, ka mohuar se është arrestuar apo që ka sulmuar ndonjë zyrtar policor.
“Unë as që jam arrestuar e as që e kam sulmuar dikë, po më vjen keq për këto terma që janë përdorur, por sido që të jetë është punë e mediave. Është një e vërtetë që kam pasur një mosmarrëveshje me një polic dhe faktikisht ajo ka qenë diçka e rastit. Nuk mu ka dukur sjellja e tij shumë në rregull pavarësisht qetësisë time, unë po pres që organet të sqarojë këtë”, tha Berisha.
Ai thotë se e vërteta është se ka pasur një mosmarrëveshje me një polic rreth parkimit të makinës së tij, teksa Berisha tha se sjellja e zyrtarit policor ishte arrogante.
“Kam lënë makinën ku e lë çdo ditë dhe sot e kam lënë të njëjtin vend por edhe nesër e lë. E kam bërë pagesën për parking mirëpo ishte interesante që polici në fjalë u soll me biçikletën e vet ku kaloi rreth 100 makina por u ndal te e imja. Sjellja e tij me atë a e gjuaj unë tiketën apo e paguaj a jo, nuk është detyrë e tij çfarë bëjë unë me tiketën. Ai përdori edhe gazin lotsjellës”, ka deklaruar Berisha. /teve1.info/
