Ambasadori i Gjermanisë në Kosovë, Rainer Rudolph, ka përgëzuar presidenten Vjosa Osmani dhe qytetarët e Kosovës pas njohjes së pavarësisë së Kosovës nga Siria.
Përmes një postimi në platformën “Bluesky”, ambasada gjermane ka shprehur gëzimin për këtë zhvillim diplomatik, duke e cilësuar atë si një hap të rëndësishëm në fuqizimin e pozitës ndërkombëtare të Kosovës.
“Jemi shumë të lumtur me këtë dinamikë të re, pasi është njohja e tretë këtë vit,” thuhet në njoftimin e Ambasadës së Gjermanisë në Kosovë.
Në reagimin e tij, ambasadori Rudolph ka përgëzuar institucionet kosovare për angazhimin në zgjerimin e njohjeve ndërkombëtare dhe ka theksuar mbështetjen e vazhdueshme të Gjermanisë për shtetin e Kosovës dhe popullin e saj.
My sincere congratulations to President Osmani, the people of 🇽🇰 and our colleagues in the 🇽🇰 diplomatic service on the exciting news that 🇽🇰 has been recognized by 🇸🇾!
Great to see this new dynamic!
🇩🇪 has always stood by 🇽🇰 independence and sovereignty!— Ambassador Rainer Rudolph (@pristina.diplo.de) October 30, 2025 at 9:24 AM
