Xhiro e 11-të e Superligës së Kosovës që nisi të martën do të mbyllet sot, ku janë në program tri ndeshje, por njëra prej tyre do ta ketë vëmendjen kryesore.
Padyshim, derbi i kësaj xhiroje do të zhvillohet në stadiumin “Zahir Pajaziti” në Podujevë, ku skuadra e Llapit pret Prishtinën.
Prishtina prinë në Superligë me 25 pikë, 12 më shumë se Llapi që renditet i pesti dhe synon fitore në këtë përballje për të mbajtur hapin me pjesën e epërme të tabelës.
Llapi në katër ndeshjet e fundit nuk di për humbje, ku ka regjistruar tri fitore e një barazim derisa Prishtina është në formë të mirë dhe ka gjashtë fitore rresht.
Dy përballjet tjera të ditës së sotme, që po ashtu startojnë në orën 13:00, janë Ferizaj – Prishtina e Re dhe Drenica – Drita.
Drenica i ka humbur katër ndeshjet e fundit dhe synon t’ia shkaktojë Dritës humbjen e katërt këtë sezon dhe të parën pas një serie prej katër fitoreve rresht.
